مىسىردىكى ئەڭ چوڭ تۆگە بازىرى قاھىرەنىڭ سىرتىدىكى بىركەشتىكى بىر كەنت ئىچىدە ئىكەن. بۇ بازارنىڭ كۆلىمى ئادەتتە بىر قانچە پۇتبول مەيدانىدىنمۇ چوڭ بولۇپ، ئۇنىڭ تاملىرى خىشلاردىن قوپۇرۇلغان. مەزكۇر بازار ئىچىدىكى قوتانلارغا تۆگىلەر سولانغان بولۇپ، ھەر بىر قوتاندا ئاز دېگەندىمۇ 10 دىن تۆگە بار ئىكەن. ئەڭ كۆپ بولغاندىمۇ 100 دىن ئاشىدىكەن. ئادەتتە بۇ جايدا تۆگىلەرنىڭ ھەر خىل ئاۋازلىرىنى ئاڭلىغىلى بولىدىكەن. بۇ جايغا كەلگەن كشىىلەر خۇددى ئۆزىنى بىر قايناق بازارغا كېلىپ قالغاندەك ھەيران قالىدىكەن. تېخى قاھىرەدە «خەلقئارالىق تۆگە مۇسابىقەسى» ئۆتكۈزۈلىدىغان بولۇپ، مەزكۇر مۇسابىقەگە 10 دۆلەت «ماھىر» قاتناشتۇرىدىكەن.
تۆگە يېزىلاردىكى كىشىلەرنىڭ مۇھىم قاتناش ۋاسىتىسى ئىكەن. ئۇلار تۆگە ئارقىلىق، سۇ، ۋە خىمىيىۋى ئوغۇت قاتارلىقلارنى يۆتكەيدىكەن. ئۇلار تۆگە ئۈستىدە تاماكىسىنى چەككەچ مۇزىكا ئاڭلاشنى ياخشى كۆرىدىكەن. تۆگە «قۇملۇق كېمىسى» دېگەن شەرەپلىك نامغا ئىگە. ئۇنىڭ ھەممە يېرىنى گۆھەر دېيىشكە بولىدۇ. ئۇ قۇملۇقتىكى كېمە بولۇپلا قالماستىن يەنە ئېغىر تىپتىكى نەرسىلەرنى يۆتكەشتىكى مۇھىم قاتناش قورالىدۇر. تۆگىنىڭ سۈتى كۆپ خىل كېسەللەرگە داۋا بولۇپ، قىممەتلىك دورا  ھېسابلىنىدۇ. ئۇنىڭ گۆشىنىڭمۇ ئوزۇقلۇق قىممىتى ناھايىتى يۇقىرى. تېرىسى بولسا، ئەتىۋارلىق خۇرۇم كىيىملەر ئۈچۈن ئەڭ ياخشى ماتېرىيال بولالايدۇ.